Rolf Lederbogen
Rolf Lederbogen (* 17. März 1928 in Hannoversch Münden; † 4. Juni 2012 in Heidelbarg) weer en düütsch Designer, Architekt un Hoochschoollehrer.
Leven
[ännern | Bornkood ännern]Nah dat Abitur studeer Lederbogen van 1947 bit 1952 an de Werkakademie Kassel bi Heinrich Lauterbach, Hans Leistikow, Hermann Mattern un Ernst Röttger. Siet 1952 weer he freeberoplich as Grafiker un Architekt tätig. 1960 wurr he an den Lehrstohl för Grundlagen vun de Architektur vun de TH Karlsruhe beropen, 1961 wurr he to’n Ordentlichen Perfesser nömmt.[1] 1974–1975 weer he Gastdozent an de Universität Düörpm, 1991 Gastperfesser an de Universität Coimbra. 1993 hett he emeriteert.[2]
Wark
[ännern | Bornkood ännern]Den gröttsten Bekanntheits- un Verbreedensgrad hebbt Lederbogen sien Entwürfe för Breefmarken un Münten reckt. He weer todem as Utstellungsgestalter tätig un hett Binneninrichtungen un Leitsysteme för verscheeden Bauprojekte in Düütschland entworfen. As Fotograf harr he Utstellungen in Düütschland un Portugal un hett mehrere Böker herutgeven.
Utführt Entwürfe (Utwahl)
[ännern | Bornkood ännern]- Afdeelen in den Düütschen Pavillon vun de Weltutstellung Brüssel 1958 (tosommen mit Ursula Lederbogen, boren Weiler)
- Sonnerbreefmark 40 Pfennig Roswitha von Gandersheim, Düütsch Bundspost 1973
- Sonnerbreefmark 30 Pfennig Wandern, Düütsch Bundspost 1974
- Sonnerbreefmark 40 Pfennig 125 Jahre Diakonie, Düütsch Bundspost 1974
- Logo vun de Universität Karlsruhe, 1975
- Binnenutbauten vun de Spoorkass an den Karlsruher Europaplatz, 1975–81
- Düütsch Euromünten 1, 2 un 5 Cent, 1996
- Sonnebreefmark 100 Pfennig Weltkulturerbe der UNESCO Alte Völklinger Hütte, Düütschland 1996
- Sonnerbreefmark 100 Pfennig Weltkulturerbe der UNESCO Kloster Maulbronn, Düütschland 1998
- Sonnerbreefmark 55 Cent Ein Gruß von Herz zu Herz, Düütschland 2004
Enkeld Nahwiesen
[ännern | Bornkood ännern]- ↑ Persönlich Angaven vun Lederbogen. Luut Websteed vun dat Südwestdüütsch Archiv för Architektur un Ingenieurbau wurr he 1956 an de Universität Karlsruhe beropen un 1960 Perfesser.
- ↑ Rolf Lederbogen: Künstlerische Fotografie. Utstellungskatalog, Karlsruhe 1984; as ok: Körtbiographie bi dat Südwestdüütsch Archiv för Architektur un Ingenieurbau
